Transcription
1
Monsieur ayant que man aller à Apt pour y commancer,
2
Dieu aident, demein ma visite, j'ay voleu par la presente
3
accuser la reception des lettres quil vous a pleu mescrire
4
par notre nepveu de La coste. Lhomme que monsieur de La Coste
5
avoit depesché à madame de Gordes et par la voie
6
d’Avignon qui nous ont apporté grand contantement
7
pour lesperanse que vous nous baillés de venir hiverner
8
sa bas. Je prie dieu d’appaiser sy bien toutes choses
9
que puissiés mettre en effect votre dessaing. En ces
10cartiers, Dieu graces, tout y passe doulcement [barré : ma ]
11
mais par voz lettres, je congnois et vois à mon très grand
12
regret, les Provanseaux plus oppiniattres que les Daufinois.
13
Mais, Dieu tout bon et tout puissant y pourvoira sellon son
14
infinie bonté et misericorde. Monsieur le conseillier
15
Sommatty a faict le gué le premier auecques toute
16
sa famille car et après avoir esté intimé par tout
17
l’ordonnanse du roy du XXVIIe d’aoust, il c’est reduit.
18Monsieur [barré : levesqz ] levesque et recteur de Carpentras
19
passa sabmedy dernier à Apt et coucha à levesché,
20
qui se monstre non moinz affectionné à votre androict
21
et des votres qui estoit l’aultre il voussit venir
22
visiter par demy heure madame an ce lieu. Elle
23
et monsieur de Cabanes vous escrivent bien au long de
24
ce peu que en sy long temps a faict un commissaire
25
à Gordes qui ne vous a en rien prejudicié, ains mieulx
26
cogneu la mauvaise volunté d’eulx. Monsieur de Saint Sernin
27[barré : et ] est dez vendanges, lougé en votre maison d’Apt, qu’il
28
faict la reparer un peu et aussy monsieur de Cabanes
29
son cartier de la porte de Seigoron. Je les vois voir
30
presentement apres mes très humbles recommandations à
31voz bonnes graces et de madame de Gordes, prie [barré : ant ] Dieu
32
Monsieur quil vous doinnt en la sienne très bone et longue
33
vie. De Gargas ce IIII Octobre 1572
34
Votre très humble et très obeissant frère
35
Francois de Simiene
36